Nagsusudoy-sudoy ha kakarsadahan
Hinin langyaw nga siyudad nga di' ko natawhan.
Masirak man unta
Kay-ano nga naninikig man?
T'ak nawong mahagkut
T'ak mga tudlo kinakadal
Ngan t'ak irong natikig na!
Ha mga litrato ngan mga postcards
Labi na kun panahon hin Pasko
Di' man klaro
Di' man nakikita?
Nga makarima-dima man ngayan inin nga hagkot!
Marisyo gad gihapon ha katikangan
Pero ha kaurhian baga danay makapoy na.
Gin-aantos nala inin nga pangadal
Ngan hit padamuay hin habol
Kay an sinisering nira nga spring
Maabot naman unta, asya ba?
Pero ha pag-abot liwat hit summer
Waray iba nga hingyap hit mga katawuhan
Kundi' it mahagkutan.
"Pero ha pag-abot liwat hit Summer
ReplyDeleteWaray iba nga hingyap hit mga katawuhan
Kundi' it mahagkutan.">>>>Labi na gud didi yana ha Pilipinas nga mapasu-paso na hin duro.
Maupay nga adlaw, igkasi ko Waray blogger :)
Maupay balitaw kit-an an snow sa "kudak". Malimpyo, mamingaw, mabusag sanglit diri nakaklaro an pangadal ngan pangurog. Sulibang ko, makalilipay hunahunaon nga nagsusurat ka liwat sa Waray. :-)
ReplyDelete